HINDI maalis-alis ang ngiti ko habang nakatanaw ako sa labas ng balkonahe. Dinig na dinig ko ang boses ng kapatid kong bunso sa kabilang linya. Kaninang nga lang ay nag-uusap kami ni mama, pero makulit daw si Anthon kaya binigay ni mama ang cellphone sa bunso namin. Kaya hanggang ngayon, ayan hindi na ako tinantanan tungkol sa mga ginagawa niya sa school nila.
"Taposh ate, palagi akong may shtar sha kamay! Nibigyan pa nga ako ng teacher ko ng legalo dahil nanalo ako sha contesh!" Bulol na sabi niya sa kabilang linya. Natatawang umiling ako.
"Sige, basta ayusin mo 'yang pag-aaral mo diyan ah. Para pag-uwi ko may regalo ka din sakin, sige na. Ibigay mo na kay mama 'yung cellphone."
Ilang sandali pa ay narinig ko ang kulob na 'yon pagkatapos non ay boses na ni mama.
"Oh anak,
