Makalipas ang isang linggo, umiiyak na tumawag si Mika kay Jimmy. Hindi niya makontak si Patrick kaya si Jimmy ang tinawagan niya.
"Yes, Mika? Huh-uh? Hindi kita maintindihan, umiiyak ka ba?" Nakakunot-noong sabi niya. Naiintindihan niya ng kaunti kaso hagulgol ang mas nangingibabaw. “Nasaan ka ba? Puntahan na lang kita." Nang sabihin nito ang lugar, tsinek niya ang oras sa relong nasa bisig; alas otso bente tres ng gabi. Nagbihis lang siya at kinuha sa drawer ang baril at susi bago sumakay sa kotse.
***
Nanginginig sa takot si Mika. Nasa Cavite siya ngayon sa bahay ng tita niya. Malawak ang lupain nito. Nasa abroad ang tita niya at tuwing wala siyang pasok, kung hindi siya ay ang bunsong kapatid ang pumupunta para maglinis at tumambay na rin.
Sa kaniya ibinigay ang bahay. Malaki ang b
