Palakad-lakad si Patrick sa loob ng kuwarto niya. Inayos niya ang necktie at kahit malamig naman sa loob na iyon gawa ng aircon, pakiramdam niya ay init na init siya. May mga butil na rin siya ng pawis sa noo at batok. Hindi na niya pinagkaabalahang punasan dahil mas tutok siya ngayon sa hawak na kulay itim na invitation.
Umupo siyang muli sa kama at tinitigang maigi ang hawak. Iniabot ito kanina ng papa niya bago pumasok ito sa trabaho. Hindi na muna niya binuksan at nagmamadali rin siya. Naalala lang niya no'ng makita sa kama, naihagis niya kanina bago siya maligo.
Napangiti pa siya dahil akala niya invitation sa isang music event. Pero nagulat siya ng iba ang nakalagay, kamatayan niya at ngayong gabi mangyayari 'yon!
Iniisip niyang maigi kung may nasagasaan ba siya sa music industry,
