“Anong ibig mong sabihin? Bakit si Orwa ang sinisisi nila? Hindi sya ang may mali, nakita ko at alam iyon ni Lyka. Siya ang gumawa nito. Siya ang unang nanggulo sa amin!” Hidni ko na napigilan pa ang boses ko na tumaas matapos na marinig kung ano ang binalita sa akin ni Rick.
“Umupo ka muna, Sunshine. Gagawaan natin ito nang paraan, sandali lang dahil kakausapin ko ang abogado namin,” saad ni rick. Kanina pa niya pinapaliwanag sa akin na siya na ang bahala sa nangyari at ang pagkakakulong ni Orwa.
“Hindi ko maintindihan kung abkit hindi manlang nila hiningi ang statement ko? Bakit hindi nila kao kinausap bago sila nagbitaw ng mga salita at akusasyon?” tanong ko muli. Napahawak na lang ako sa ulo ko at napaupo.
“Kumalma ka nga muna, Betty.” Marahan na hinagod ni Sunny ang likuran k
