Ngayon na ang simula ng araw na hindi kami magkakasabay ni Orwa sa break time. Napag-usapan na rin naman namin kung anong set-up namin. Dahil iisa lang din naman ang baunan na dala namin. Siya ang unang mag-break kaya sabi ko kaunti lang ang itira niyang pagkain sa akin. Pero hindi ko alam kung gagawin nga niya, kilala ko 'yan pagpipilitan niyang dapat marami akong kainin.
“May chismis kami sa 'yo, Sunshine.” Dahil sa boses na nagsalita sa gilid ko, bahagya akong bumagal sa paglilinis ng lamesa na kanina ko pa pinupunasan.
“Sinong kausap mo/” tanong ko kay Marga, na kahit na alam kong ako lang din naman ang nasa harapan niya. Ayaw ko lang isipin na sa akin niya talaga nais na sabihin ang mga chismis na nasa utak niya.
“Ikaw lang naman ang andito sa harapan ko, alangan naman na sa
