“BOSS, parang awa mo na! Huwag mo namang idamay ang pamilya ko rito.”
Malalim na buntong-hininga ang pinakawalan sa ere ni Ulap pagkatapos ay tumayo mula sa pagkakaupo niya sa isang swivel chair.
Nakaluhod naman sa marmol na sahig ang isang matandang lalaki habang magkasalikop ang mga palad nito at nakatingala sa kaniya.
“Hindi ko naman idadamay ang pamilya mo Acosta, kung magsasabi ka lang sa akin kung sino ang nagbayad sa ’yo ng malaking pera para ilaglag mo si Hideo.” Seryosong saad niya ’tsaka hinugot ang baril na nakasuksok sa kaniyang baywang.
Sunod-sunod na napalunok naman ng laway ang lalaki habang nakatitig ito sa baril. Napailing pa ito mayamaya. “H-hindi ko kayang sabihin. Dahil...”
“Dahil ano?” matalim na titig ang ipinukol niya rito.
Naiinis na talaga siya sa lalaking i
