Maraming tao sa hotel kung saan idinaos ang anibersaryo ng Albano Corp. Sandali lang nakipagkwentuhan si Don Hernani kay Doc Zandro dahil abala rin ang huli sa maraming bisita. Kasama nilang lumuwas ang kapatid ni Don Hernani na si Don Simon, na nagkataon na may nilakad din sa Maynila. May-ari naman ang mga ito ng ilang banko sa karatig-bayan.
Inihatid niya si Don Hernani at Brenda sa silid pagkatapos. Kailangan niya rin kasing magpainom ng gamot sa matanda bago ito matulog. Pilit niyang kinalimutan ang ginawang pagtraidor ni Brenda sa kanya. Wala na rin namang silbi na magalit siya at komprontahin ito. Mas malaki pa rin ang pagkakamali ni Adriel, at nangako siya sa sarili na hindi naman na sila magkakabalikan pa. Wala ng dahilan para mag-away sila ni Brenda.
"Gusto mo bang bumab
