"Bakit mo hinihiram ang chopper? This is your first time asking for that whirlybird. Saan ang punta mo?"
"May ipapasyal lang," sagot niya kay Duncan sa telepono. Si Ethan ang tinawagan niya para hiramin ang sasakyang panghimpapawid pero nakarating kaagad sa kuya niya ang balita.
"Ipapasyal saan? Where are you, by the way?"
"Camiguin."
"Again? Akala ko ba hindi mo naman gusto 'yang nirereto ni Don Hernani sa 'yo? Ipinamamalita nang girlfriend mo ni hindi mo naman isinasama dito sa bahay para makilala nila Mommy. Siya ba ang ipapasyal mo?"
Hindi niya alam kung paano ipapaliwanag sa kapatid. Nakilala na ng mga ito si Brenda pero hindi nila gusto. Kahit ang pagpunta-punta niya sa Camiguin ay hindi aprobado. At ang totoo'y hindi rin nila gusto si Crislina dahil ipinamalita naman
