"Bakit magkasama kayo ni Drake?" tanong ni Brenda nang makitang sa kotse ni Drake siya bumaba.
"Isn't it obvious? Sinundo niya 'ko." Hindi niya maitago ang ngiti sa mga labi niya. Friends? Kung hindi tumunog ang telepono kanina ay baka nahubaran na siya.
"Huwag mo nga akong pinagloloko. Sinabi ko sa 'yo na huwag mong pakikialaman si Drake kung ayaw mong mapalayas sa pamamahay na 'to."
"Hindi na ako batang kayang takutin, Brenda. At kung gusto mo akong palayasin dito, ibigay mo na ang share na hinihingi ko. Doon ako ulit titira sa kubo namin at iiwasan kong magsalubong ang mga landas natin."
Masyado siyang masaya para masira ang araw sa pang-aaway sa kanya ni Brenda. Tumuloy siya sa silid para magbihis. Ngayong malapit na sa kanya si Drake, mas lalo niyang pag-iigihan ang pang-aakit n
