CHAPTER 65
HAZEL POV
Habang nag-uusap kami ni Dad sa loob ng kwarto ko sa ospital, biglang bumukas ang pinto. Isang lalaking nakaitim ang pumasok—matikas ang tindig, matalim ang tingin, at halatang sanay sa trabaho. Hindi siya pamilyar sa akin, kaya’t agad akong nagtaka. Siguro bago lang siya sa grupo ni Dad.
“Anak, siya nga pala si Jerome,” pakilala ni Dad. “Bagong kanang kamay ko, kapalit ni Mang Nistro. Nag-resign na si Mang Nistro dahil matanda na.”
Tumango ako bilang pagbati, pero hindi ko maalis ang tingin sa lalaking ito. Tahimik lang siya at diretso sa punto.
“Ano’ng kailangan mo?” tanong ni Dad sa kanya.
“Sigurado na po namin kung sino ang may kagagawan ng pagbangga kay Ma’am Hazel,” sagot ni Jerome, matatag at walang alinlangan ang boses.
Agad akong napalapit sa kama. “Sin
