Lumipas ang ilang sandali at nakarating din kami sa harap ng isang dingding? Nagtataka lamang akong tinitignan ang buong lugar ng kusang naglaho ito at bumungad sa amin ang napakaraming tao na may iba't-ibang mga dala. Karamihan sa mga ito ay mga matatanda na at may mga anak. Naunang lumabas ang mga kasama namin samantalang ako naman ay nakatingin lang sa paligid. Hindi mawala sa akin ang pagka-gulat at pagka-mangha sa kapaligiran.
Marami rin nagtitinda rito, ngunit, hindi kagaya sa ibang bayan na sakto lamang ang tao ay sobrang dami talaga. Halos magsikipan na ang lahat sa isang tindahan patungo sa dalawa. May ilang mga nagtitinda ng libro, kagamitan sa paaralan, pagkain at iba't-ibang kailangan ng mga estudyante sa paaralan.
"Ganiyan din ang reaksiyon ko noong unang araw ko sa lugar na
