Dalawang apoy? Hindi ba at iyon naman talaga ang dapat na maramdaman o reaksiyon ng lapis kapag gusto nila ang nagmamay-ari?
"Hindi ko rin alam," tugon ko rito, "Ang tanging naramdaman ko lang ay wala. Sa tingin ko nga ay wala lang sila roon at hindi man lang ako nasasaktan."
Sa katunayan niyan ay hindi ko rin kasi alam kung ano ang dapat na maging reaksiyon ko. Isang Epangelmatias ang mga lapis na iyon, isa lamang akong Vasikos. Ang Epangelmatias ay isang antas na kung saan nasa ilalim lamang ng Theos na antas na matuturing ng isang God Level na kapangyarihan. Ano ba ang nangyayari sa katawan ko? Bakit simula noong dumating ako rito ay parang nag-iba na lang ang buong reaksiyon nito.
Hindi ko na pansin ang pag-alis ni Lapra sa aming tabi. Inilibot ko ang aking paningin at hinahanap pa
