Maaga akong nagising kinabukasan. Hindi ako mapakali sa gustong sabihin sa akin ni Ariane. Gusto ko na sana nga itong puntahan pero siyempre, kailangan ko muna maghanda. Ibinaling ko ang aking atensiyon sa gilid na kung saan naroroon ang aking munting orasan. Alas kuwatro pa lang nang umaga pero para sa akin ay parang tanghali na. Nanatiling nakahiga pa rin ako rito sa aking kama at wala pang balak tumayo. Gustuhin ko man na maligo na pero masiyado pang maaga. Sobrang lamig pa ng tubig sa mga oras na ito.
Marahas na hangin ang aking ibinuga bago magpalit ng pwesto. Umikot ako paharap sa isang dingding at nanatiling nakatitig dito.
Bakit ba kasi sobrang tagal pa mag-alas singko? Gusto ko na maghanda at pumunta kay Yizun. Gusto ko na ipaliwanag sa kaniya ang buong pangyayari, pagkatapos ay
