KELAI'S POV
Mag-aalas tres na ng hapon nang biglang mag-ring ang telepono ko. Agad ko naman iyong sinagot.
"Inventory Department. How may I help you?" Pinilit kong pasiglahin ang boses ko kahit na sobrang sakit na naman ng ulo ko. Nakakadalawang inom na ako ng gamot ngunit hindi nawawala ang lagnat ko. Pinilit ko lang talaga na tapusin ang duty ko ngayong araw.
"Love," sabi ng nasa kabilang linya.
"L-love," nauutal kong sabi.
Isa lang naman ang tumatawag sa akin ng love at hanggang ngayon ay hindi pa ako sanay sa tawagan naming iyon.
"Kumusta ang pakiramdam mo?" may pag-aalalang tanong niya sa akin.
"Okay naman na," pagsisinungaling ko. "Bakit pala tumawag ka? Malapit na tayong mag-out," pag-iiba ko na lamang ng usapan.
Maya-maya naman na kasi ay mag-uuwian na kami at magkikita na
