KELAI'S POV
"Love, may pupuntahan tayo ngayon," bungad sa akin ni Ryan nang sunduin niya ako dito sa opisina ko. Alas tres na kasi ng hapon at oras na ng uwian.
Kumunot naman ang noo ko habang nililigpit ang mga papel na nagkalat sa table ko. "Saan?"
"Birthday ng kaibigan ko. At may kaunting handaan sa apartment niya," sagot naman niya sa akin.
Bahagya akong natigilan sa ginagawa ko at deretsong tumingin sa kaniya. "Seryoso ka? Isasama mo ako sa mga kaibigan mo?" hindi makapaniwalang tanong ko.
"Yes. Bakit? Ayaw mo ba?" nagtatakang tanong naman niya sa akin.
Medyo napailing ako at ibinalik ang atensyon sa ginagawa ko. "Hindi naman. Nagulat lang ako," pag-amin ko.
Nagulat ako dahil gusto niya akong isama, ibig sabihin ay gusto rin niya akong ipakilala sa mga kaibigan niya. Bago para
