KELAI'S POV
Ate, pwede po ba kitang makausap?
Kumunot ang noo ko nang mabasa ko ang message sa akin ni Jaime. Kagigising ko lang at heto na agad ang bumungad sa akin.
Nararamdaman kong importante ang sasabihin sa akin ng kapatid ko dahil bihira niya akong i-message ng ganito. At sa totoo lang ay bigla akong kinabahan.
Bumangon ako at nag-type ng reply sa kaniya. Dumeretso na rin ako sa kusina para magluto ng almusal. Habang nagluluto ay panay ang sulyap ko sa phone ko hanggang sa nag-reply na si Jaime.
Pwede ka bang tawagan? Video call tayo.
Walang pagdadalawang isip kong tinawagan si Jaime. Agad naman niyang sinagot ang tawag ko. Bumungad sa akin ang kapatid ko. Wala siya sa bahay na sa tingin ko ay nasa school siya. Naka-earphone siya at nag-iisa siya sa pwesto niya. Malalim ang mg
