KELAI'S POV
Nagising ako at nakita si Ryan na nakaupo sa tabi ng bed ko. Nang makita niya ako ay agad siyang ngumiti sa akin.
"Kumusta ang pakiramdam mo?" tanong niya sa akin.
"Medyo masakit lang ang ulo ko," sagot ko naman.
Bahagya namang tumango si Ryan. Hinawakan niya ang kamay ko at deretsong tumingin sa akin. "Normal daw iyan sabi ng doctor. At sinabi niya rin sa akin na maaari ka nang lumabas. Inayos ko na ang discharge papers mo. Kaya mo na bang tumayo?"
Bahagya naman akong napatawa. "Oo naman. Hindi naman ako naaksidente o ano."
Bumangon ako at napansin na wala na ring kahit na aparato ang nakakabit sa akin. Wala naman akong ginastos na kahit na ano sa pagkaka-ospital ko dahil cover naman ito ng health insurance ko. Kahit nga ang mga gamot na binili ni Ryan ay discounted din
