Hindi pa rin makapaniwala si Silvia sa pagtanggi ni Romina. Habang binabaybay ng kanyang sasakyan ang mahabang daan pauwi, muling bumabalik sa kanyang isip ang matigas at mariing tinig ng babaeng iyon.
"Hanggat hindi mismo galing sa asawa ko ang salitang gusto niya akong hiwalayan, wala akong pipirmahan."
Isang hampas ng manibela ang ginawa ni Silvia sa inis. Gusto niyang isigaw ang lahat ng galit na namumuo sa kanyang dibdib. Hindi siya sanay na natatanggihan. Mas lalo pang hindi siya sanay na hindi sumusunod ang mga tao sa gusto niya.
Ngunit hindi pa tapos ang laban.
Pagkauwi sa kanilang bahay, agad siyang nagtungo sa kanyang opisina at binuksan ang isang antigong kahon na matagal na niyang pinaglalagyan ng kanyang tinatago. Nandoon ang ilan sa mga dokumentong pinasuri niya. Mga deta
