Tahimik ang buong silid habang tinutulungan ni Liza si Romina na isuot ang kanyang malambot na dress. Maingat ang bawat kilos niya, halos parang ayaw niyang masaling ang balat ng kanyang amo. Hindi niya maiwasang mapansin ang pulang marka sa braso nito, ang tila pantal-pantal sa leeg at balikat, at higit sa lahat, ang bahagyang hirap nito sa paggalaw.
Nang inalalayan niya ito pabalik sa kama kanina, ramdam niya ang panginginig ng katawan nito. Hindi dahil sa lamig, kundi tila dahil sa pagod. Hindi pa man siya nagtatanong, alam na niyang may nangyari kagabi—at hindi iyon basta simpleng pangyayari.
Sa loob ng ilang araw na pagsisilbi niya kay Romina, hindi pa niya ito nakitang ganito katahimik.
"Okay na po kayo, Senorita Romina," mahina niyang sabi matapos ayusin ang buhok nito. "Gusto n'
