Gulat pa rin si Liza habang bumababa sa hagdan, hindi pa rin makapaniwala sa kanyang nasaksihan. Tila bumagal ang kanyang paglalakad, at bawat hakbang ay mas lalong nagpapaalala sa kanya ng eksenang hindi niya inakalang makikita.
Si Romina. Sa silid ng kanyang asawa.
Sa unang pagkakataon, tila isang tunay na mag-asawa ang dalawa.
Napailing si Liza, pilit na binabalik sa ayos ang kanyang pag-iisip, pero hindi niya mapigilan ang kaba at pagtataka sa kanyang dibdib. Naging totoo na ba ang kanilang kasal? Nangyari na ba ang dapat mangyari?
Ano kaya ang estado nang kaniyang dalawang amo ngayon? Base sa itsura ng kaniyang Senorita na nakadapa ay wala itong suot na damit.
Malalim ang kanyang iniisip nang makapasok siya sa kusina.
"Aba, anong nangyari sa'yo?" tanong ng isa sa mga kasamang k
