Bago sila mag-harap-harap, tila ba nagpaulit sa isipan ni Alessandro ang naganap sa board meeting. Dahilan kung bakit alam niya kung bakit nandito ang kaniyang ina.
Ang malamig na liwanag mula sa mga chandelier ng conference room ay nagbigay ng seryosong ambiance sa silid, lalo na't napapalibutan ito ng matataas na opisyal ng kumpanya. Nang umupo si Alessandro sa kanyang designated seat, ramdam niya ang mga mata ng halos lahat ng nasa loob. Hindi niya madalas puntahan ang opisina, kaya't laging nagiging malaking bagay ang kanyang presensya rito. Ngunit ngayong araw, wala siyang ibang pagpipilian kundi harapin ang lahat—kasama na ang hindi niya gustong makita.
Sa kabila ng kanyang kaswal na panlabas na anyo, nanatiling matalas ang kanyang isip habang sinusuri ang mga dokumentong inilagay
