ISANG buwan ang lumipas, naka-isang buwan na ring naninilbihan si Everlee sa pamilya Raven. Simula noong insidente ng paglilinis niya nang kuwarto ng amo ay iniwasan na niya si Pace. Naglilinis siya ng kuwarto ng binata sa tuwing wala ito at nasa trabaho.
Pansin man ni Pace ang pag-iwas na ginagawa ni Lee ay hinayaan na lamang niya ang dalaga. Panay naman ang kanyang mga panakaw na tingin dito sa tuwing makikita niya si Everlee.
"Happy birthday, Everlee. 18 ka na. Anong balak mo ngayong araw ng kaarawan mo?" Masayang bati ni Nita sa dalaga.
"Magpapaalam po ako kay madam. Dadalawin ko po ang mama ko sa sementeryo."
May kinuha si Nita sa loob ng cabinet, matagal na niyang itinatago iyon. At ngayon ay ibibigay niya kay Lee ang regalo niya. "Para sa'yo. Pagpasensiyahan mo na lang ang nakay
