“Anak,” malumanay na sabi sa kanya ni Aleli. “Sabi mo dati, di ba? Maikling episode lang ng buhay mo itong beau-con. Look at the brighter side. Hindi ka matatali sa one year na obligasyon bilang Lakambini. Magkakaroon ka ng mas maraming oras sa ibang bagay na gusto mo ring gawin.”
“Your mom is right. Hindi naman sa labang iyang natatapos ang buhay, hindi ba.” Hinawakan ng dad niya ang kamay niya at masuyo iyong pinisil. “Late ko lang din iyan na-realize. Alam ko naman iyan dati. Masyado lang natabunan ng galit ang puso ko. Habang lumalaban ka, nakita ko ang sarili ko sa iyo. You were doing your best just like I was then. Pero meron talagang mas nakakahigit sa atin kaya tayo natatalo. Noong hindi ka dineklarang nanalo, siyempre nalungkot kami. Pero bilang magulang kami, nandoon kami para s
