KUNOT-NOONG tinitigan ni Alexander ang natutulog na si Cassandra. She was restless and sweating profusely.
‘Ang lamig-lamig ng aircon, eh, pinagpapawisan?’ puna niya, pagkuwa’y pinahid ang namuong pawis sa noo ng kaibigan.
“Cass, are you okay?” pabulong na tanong niya sa kababata habang marahan itong niyuyugyog. “Cass, wake up,” muling anas niya rito habang nag-aalalang nakatitig pa rin sa dalaga. Nang bahagya nitong iminulat ang mga mata ay umayos siya ng upo at saka ito nginitian. “We’re here,” deklara niya.
Pupungas-pungas pa ang si Cassandra nang umangat ito mula sa pagkakasandal bago tumingin sa kaniya. Siya naman ay wala sa loob na matamang napatitig dito. Hindi niya maintindihan ang nangyayari sa kaniya, pero nitong mga nakaraang araw, ilang beses na niyang natatagpuan ang sarili
