NAALIMPUNGATAN ako dahil sa sunod-sunod na pagtunog ng aking cellphone.
At napakunot ang aking mga kilay nang makita kong si Mark ang nakarehistro sa screen ng aparato.
Bumangon ako at tumungo sa beranda, saka ko sinagot ang tawag nito, "What?" seryoso kong tanong.
"Be ready, dude. Mr. Smith will arrive at three a.m. tomorrow, pero si Aubrey lang ang kasama niya. Naiwan sa US si Mrs. Smith." pagbibigay impormasyon ni Mark.
Napangisi naman ako sa ibinalita sa akin ni Mark. Inakala siguro ni Mr. Smith na hindi namin nalalaman ang mga plano nito.
Anim na buwan na uli ang lumipas mula nang magplano ako tungkol sa gagawin kong pagpatay kay Mr. Smith, ngunit hindi iyon natuloy sa itinakda naming araw dahil hindi ito natuloy sa pag-uwi ng bansa.
Gaya ko ay marami rin ang naghahangad na mapa
