ANG ARAW NG PAGSUBOK
"Are they ready?" Rinig kong sambit ni Mark habang naglalakad patungo sa direksyon ng training field kung saan gaganapin ang huling pagsubok sa mga bagong miyembro na gustong mapabilang sa mga magagaling na agent.
"Yes, Director Oxford." tugon naman ni Agent Dominguez.
Papalabas pa lang ako mula sa aking opisina at hindi ako napansin ng mga ito. Nakasunod lang ako at patungo rin sa direksyong tinatahak ng dalawa, dahil ako ang magbibigay ng final decision o ang final approval kung makakapasa ang mga bagong miyembro sa huling pagsubok o kung karapat-dapat bang maging isang agent ng Shadow Organization ang lahat ng mga sasailalim sa huling pagsubok.
Hindi rin basta-basta ang makapasok sa organisasyong ito. Mahirap din ang mga pinagdadaanan nang sino mang gustong magi
