HALOS ISANG BUWAN na rin mula ng tulungan namin ni Jhona ang magkapatid na sina Gemma at Genalyn, at isang buwan na ring nasa poder ko si Gemma. Ako na rin naman ang nag-offer na kung wala pa silang matutuluyan lalo na si Gemma ay maaari namang dito na muna sila tumira sa akin, tutal wala na rin naman akong kasama, dahil bumalik na rin ng Manila si Jhona nang magkaayos na rin ito at si Dr. Miguel, at si Genalyn naman'y kinabukasan nang mangyari ang insedente ay umalis na rin agad, kahit ayaw pa sana payagan ni Gemma, kaso'y naging matigas ito sa kagustuhang makabalik ng Manila dahil ayon na rin sa narinig kong pag-uusap ng magkapatid ay hahanapin ni Genalyn ang nawawala nitong anak, na hindi ko naman agad nagawang paniwalaang may anak na si Genalyn dahil na rin sa wala pa sa itsura nito an
