Busog na busog ako pagkatapos ng isang oras. Halos kalahati pa lang ang nauubos namin sa mga pagkaing inorder niya pero suko na ako sa kabusugan.
"Patrick, mauuna kang bumaba mamaya. Sa bahay na lang tayo magkikita, okay? Ihahatid ka roon ng mga tauhan ko." Tumango ako sa kanya. Kahit siguro anong sabihin, hilingin, o iutos niya sa akin, susundin ko lahat.
"Send a message to your mother that you will be home late," bilin pa niya nang tumayo na ako pagkaraan ng ilang minutong pagpapababa ng mga kinain ko.
"I'll see you there, Miguel," paalam ko sa kanya at naglakad na paalis. Isa sa mga tauhan niyang nasa hagdan and sumama sa akin at ihinatid ako sa sasakyang sumundo sa akin sa school kanina. Sumakay ang lalaki sa passenger seat at ilang sandali pa ay palabas na kami sa parking area n
