ELLY
[Five Years After]
"Mommy!!" nahinto ang ginagawa kong pag-aayos ng aking buhok nang marinig ko ang masiglang pagtawag sa akin ni Lily habang palapit siya sa pwesto ko.
"Nandyan na po si Tito Jin, Mommy ko!" kinikilig nitong pahayag at mabilis akong sinalubong ng isang mahigpit na yakap. Dahil sa sinabi niyang iyon ay napatingin ako sa pintuan, saktong pumasok doon ang lalakeng kanina pa namin hinihintay.
Limang taon na ang nakalilipas mula no’ng huling beses kong makita't makausap si Liam, mula nang umalis siya noong araw na iyon ay hindi na namin siya nakita. Kahit ang mga magulang niyang sila Tita Kendall at Tito Harold ay walang ideya kung nasaan na ang anak nila, para na lamang isang bula na nag-laho si Liam sa aming lahat.
Ang kwento sa akin ni Tita noon, ay bigla nalang d
