Another one month passed . . .
HANNA’s POV
MATAPOS ang naging pag-uusap namin ni Luna ay hindi ko na siya tinitigilan sa text. Halos maya’t-maya ko siyang kinukumusta. Ako rin ang nagpilit sa kaniya na pumasok sa school at ituloy ang pag-aaral niya kahit na ilang beses niyang sinabi sa ‘kin na ayaw na niya.
So far, nakumbinsi ko siya. At lagi na rin akong sumasama kay Ate Ivy sa pagsundo sa anak niya sa elementary para lang makita ko si Luna kung talagang pumasok ba. May mga pagkakataon na kusa ko siyang pinupuntahan sa room niya at palihim na sisilipin kung naroon siya.
Naroon na naman, pero pansin kong lagi lang siyang tahimik sa upuan niya. Hindi katulad ng mga kakalase niya na karamihan ay magugulo.
“Gusto mo bang sumama sa ‘min sa bayan ng papa mo? Doon mo na lang hintayin si G
