“CELINE, Celine…? Celine…?” sabi ng masuyong tinig na iyon na tila humihila sa kamalayan ni Celine. “Gising na…”
“Hmm… hmm…” ungol niya dahil tuyong-tuyo ang kanyang lalamunan. Dahan-dahan siyang nagmulat ng mga mata. Malabo ang imahen na kanyang nababanaag. She stared at it blankly. Hanggang sa unti-unting luminaw iyon. She saw someone she did not know. Ang alam lang niya ay nag-uumapaw ang katuwaan sa mga mata nito.
“Celine, baby…Welcome back. Welcome back…”
Napasinghap siya. Tinawag siya nitong “Celine.” Naramdaman niya na may nakahawak sa kamay niya. Ang init niyon ay tila humahaplos sa kaibuturan ng puso niya.
Ganoon na lang ang pagkagulat ni Celine nang mapagtanto na ang lalaking hindi niya kilala ang may hawak ng kamay niya. Inilibot niya ang mga mata sa paligid. Hospital. Nas
