الفصل الرابع

1746 Words

الفصل الرابع :- في منزل أميره عاد زياد وكلمات معذبة قلبه تتردد في أذنيه دخل بهدوء على غير عادته وكانت أميره انتهت من تجهيز نفسها ومستعده للذهاب لكن حين رأته ذهبت إليه وجلست بجانبه تربت على كتفه بحنان قائله :- أميره بقلق :- مالك يا حبيبي شكلك زعلان تن*د زياد بألم :- مفيش حاجه يا حبيبتي انتي نازله أميره بفهم :- متحاولش تغير الموضوع فيك إيه زياد بهدوء :- قولتلك مفيش حاجه مش بحب اكرر الكلام كتير ومش كل شويه هتسألي نفس السؤال أميرة :- عشان انت مجاوبتش بالحقيقه وقولت مالك انت كنت رايح عند ندى وانت كويس ايه اللي حصل زعلك بالشكل ده زياد بعصبية :- ولا ندى ولا زفت خلاص خلصنا أنا مش هرهن حياتي لواحده معندهاش تقدير ولا احترام ليا ولكرامتي بتقولي انت تبقى مين أنا ولا حاجه عمري ما كنت ليها اي حاجه أنا نكره بالنسبالها مش موجود هي كل دنيتي بس أنا ليها حتى مش أخ أميره بعصبيه:- هي قالتلك كده زياد بهدوء :- أيوه يا اميره قالتها صريحه كان واضح من الأول بس كنت مغفل وبكدب احساسي وعندي امل أنها تحبني في يوم بس دلوقتي خلاص كل واحد من طريق واحنا أصلاً عمر ما كان طريقنا واحد أميره ببكاء :- طيب يا ندى انتي اللي بدأتي بالفراق زياد بلهفه :- لا يا اميره ندى تموت من بعدك وانتي مش هتعيشي من غيرها انتوا اخوات من قبل حتى ما احس ليها بحاجه بلاش تتفرقوا عشاني والله انا مش زعلان ربنا يسعدها مع المكتوب ليها وحلالها أميره ببكاء :- يعني عايزني أشوفك مدمر وحزين بسببها واخدها في حضني واقولها برافو لا مش هعمل كده يا زياد قالت باقي حديثها واتجهت الي خارج المنزل بغضب شديد من رفيقة عمرها مما فعلته لأخيها من **ر قلبه وجرح كبريائه ذهبت للمركز المخصص للدروس الخصوصيه وجلست تنتظرها لتنهي معها هذا الموضوع وختمت قرارها وستخبرها به ********************************** في السيارة كان ال**ت هو سيد الموقف حتى تنحنح مازن قائلاً :- مازن بتوتر :- ممكن تفهميني كان قصدك إيه بكلامك عني ندى بعدم فهم :- كلامي عنك!! مش فاهمه تقصد إيه مازن بحده :- قصدك ايه لما قولتي اني مضايق اني مأثرتش فيكي وأنه مريلتيش زي باقي البنات ما بتعمل معايا ندى بخجل :- أنا آسفه مكنش قصدي اقولك كده انا بس كنت متوتره وزعلانه عشان اللي بيعمله بابا مازن بهدوء :- وهو عشان عايز مصلحتك يبقى غلطان ندى بحده :- لما يكون بيدبر جوازي من زياد وهو عارف ومتأكد اني مش موافق وفاكر أنه هيغصب عليا يبقى اه غلطان وجدا كمان مازن بفرحه لم يعرف سببها :- وليه مش موافقه على جوازك من زياد أنا حسب نظرتي أنه راجل محترم ندى بحزن لخطأها بحق زياد :- زياد مفيش زيه راجل بمعنى الكلمه يعتمد عليه قد المسؤلية واهم من كل ده بيحبني وهيراعي ربنا فيا بس...... مازن بغضب وغيره غير مبررة :- بس إيه .. مش موافقه ليه ابتلعت ندى غصه مريره وردت بألم ودموع :- مينفعش ولا زياد ولا اي راجل غيره أنا مش هتجوز مستحيل مينفعش اتجوز مازن بصدمه :- ليه إيه السبب .. تابع بشك وحزن لم يفهمه .. في حد في حياتك بتحبي واحد تاني ندى بنظره فهمها مازن بكل سهوله :- حتى لو فيه حد في قلبي حتى هو مش هتجوزه مازن ببحه رجولية ذات مغزى :- طيب ممكن افهم معنى كلامك ونظرة عيونك دي ليا معناه ايه ? ندى بإرتباك :- تقصد إيه بنظرتي ليك ببصلك عادي وكلامي واضح وملهوش معنى غير اني حتى لو بحب حد مش هتجوزه بردو مازن بحنق :- وده من إيه إن شاء الله بقى ندى بعصبية :- وانت مالك انت سبحانك يا رب مازن بحده :- هنرجع لطول ا****ن تاني ندى بخجل :- ما انت اللي مستفز يا مازن مازن وقد وقع على مسامعه نغمة صوتها في نطق إسمه كأنه يسمعه لأول مرة :- انتي قولتي إيه ندى بخوف من غضبه :- مقصدش كده يعني انت مش مستفز مازن بهدوء :- لا اللي قولتيه بعد كده ندى بتعجب :- قولت إيه مقولتش حاجه تانيه مازن بغيظ :- قولتي يا ندى ندى وقد فهمت أنه يطلب منها معاودة نداءه بإسمه لتحمحم بخجل قائله بإرتباك هامس :- قولت يا مازن مازن بحنق :- مش سامع حاجه ندى بصوت يكاد يكون مسموع :- مازن مازن بخبث :- بردو مسمعتش ندى بعصبية :- قولت يا مازن يا مازن ايه وقعت على ودانك انفجر مازن ضحكا عليها مما جعلها تخفض عينها أرضاً خجلاً من ما تفوهت به ولكنها عادت تنظر له بهيام وعشق مسطر في عيونها ليكون كالقصيده سهل قراءتها بالنسبة له توقف عن الضحك وهو يبتسم بحنان لما يراه من حب له داخل عيناها ليقرر صف السياره في أحد أركان الشارع ليملأ فراغ قلبه من عيناها ومن هذه العاشقه البريئة حتى بنظرة عيونها الجميله بريئة الملامح لا يمس براءتها خطأ إلا من اخطاء مجنونه عفويه تعتقد بها أنها قويه توقف وهو ينظر لها لا يفهم مشاعره هو كره الحب ولا يريد أن يقع في غرام أي فتاه ولكنها ليست أي فتاه هي ذات الوجه الطفولي بريئه جميله طفله بكل صفاتها يشعر بأنها امتلكته من اول نظره عندما رآها امام المدرسه سأل نفسه لما يشعر أنها ملكه لما يغار عليها وهو يكاد يعرفها رآها اليوم لكنه يشعر وكأنها ترعرت أمام عينيه لما حديثها عن زواجها كان يألمه لما لا يستطيع أن يتحمل فكرة أنها قد تكون تحب أحداً وتتمناه زوجا لها لما يتمنى أن تكون نظرتها هذه صادقه ويكون هو سلطان قلبها لتكون هي ملكه على عرش قلبه الذي اغلقه منذ سنوات عديدة ولم يسمح له بالنبض ليقع اليوم أسيراً لعيناها يدق وكأنه يقرع طبول الاحتفال استقبالاً لمشاعر مجهوله تولد بداخله ليحيا من جديد رآها تخفض عينيها خجلاً عندما لاحظت فيض مشاعره المحتاره ليلاحظ دمعه طفيفه فرت من بين جفونها ليقترب بهدوء مد يده ليرفع وجهها له وهي مغمضة العنين مرر إبهامه على وجنتها ليزيل دموعها مما جعلها تشهق بخجل وتفتح عيناها التي تشبه البحر في وهج موجاته الزرقاء وما أن فتحت جفونها ونظرت له وجدته ينظر لها بنظره لما تفهمها حتى شعرت بقشعريره تسري بجسدها عندما مرر إبهامه مره اخرى على وجهها قائلاً :- مازن :- سبحان الله ربي يحفظك من كل عين حاسده انتي احلى بنت شوفتها في حياتى كلها بكل تفاصيلك براءتك وطفولتك وعيونك اللي شبه البحر ابتسمت ندى بتوتر وخجل من قربه الشديد لها لتظهر غمازاتها التي يراها لأول مره ليبتسم قائلاً بمرح وصوت عالي نسبياً :- اللهم صلي على النبي غمازات كمان هي كانت ناقصه مما جعل ندى تضحك بقوه وصوت صاخب زاد قلب هذا المستمع لرنات ضحكاتها لوع وفيض مشاعر لا يجد لها تفسير غير أنها العشق الذي حرمه على قلبه لتعود هي وتمتلك هذا القلب في ظرف ساعات لتعيد له حياته الضائعه وأحلامه الورديه وحقه في السعاده نظر لها بحب وهي تضحك حتى توقفت فجأة ونظرت في ساعة يدها قائله بصراخ :- ندى بفزع :- يا مصيبتي أميره ?? مازن بعصبية :- هاراسوح عليا وعلى سنيني فزعتيني يا بنت المجنونه ندى برجاء :- معلش يا مازن والنبي بس يلا اتحرك بسرعه وصلني البت زمانها في المركز وحدها ودي تغرق في شبر مايه ومش هتعرف تتصرف ولا تقعد من غيري مازن بغيظ وهو يقود سيارته :- ليه كنتي خلفيتها ونسيتيها مالك خايفه عليها أوي ليه كده زي ما تكوني ام سايبه بنتها في الشارع ندى بحنان :- بنتي بس دي حياتي كلها اقرب واحده ليا بحس انها نصي التاني تؤام روحي بنتي اللي مسؤوله مني مهمه عندي اكتر من نفسي في زعلها مني بحس اني مش عايشه روحي بترجعلي لما بترضى عني أنا مستعده أعمل اي حاجه عشانها بس هي متزعلش مني وتفضل مبسوطه ممكن تستغرب من كلامي بس صدقني حب الاخوات أعظم من أي حب في الدنيا مازن وقد تذكر رفيق دربه وما حدث معهم حتى افترقوا ولاحت دمعه في عينيه ولكن تحكم بنفسه وتن*د بألم قائلاً بحب :- ربنا يخليكم لبعض شعرت ندى بنبرة الألم بصوته لتسأله :- مالك مازن بتعجب :- مفيش حاجه ليه بتسألي ندى بحنان :- الألم اللي في صوتك هو اللي دفعني للسؤال عن سببه مازن بحزن :- كل واحد فينا عنده جرح مهما مر الزمن ألمه بيفضل معاه وبيوجع كأنه لسه النهارده ندى بحنان :- بس مهما كان الوجع صعب بنتعلم منه وبنقوى والجرح بيطيب لما بتلاقي علاجه وانت شكلك لسه ملقتش علاجه مازن وهو يصف السياره وينظر لها بحب :- أنا شكلي لقيته خلاص ندى بخجل وقد فهمت ما يقصده لتسرع بالنزول وهي تقول بإرتباك :- متشكره اووي يا مازن تعبتك معايا مازن بصرامه :- ولا تعب ولا حاجه ادخلي يلا وانا هستناكي هنا لحد ما تخلصي وهتروحي معايا ندى بإعتراض :- لا مش هينفع خلاص روح انت وانا هرجع مع أميره مازن بحده :- قولت ادخلي وانا هستناكي هنا لما تخلصي وهروحك معايا مينفعش تمشي وحدك ندى بإستسلام :- خلاص ماشي ********************************* كانت أميره تجلس وهي تبكي ب**ت تضع رأسها بين يديها وجدت من يربت على كتفها بهدوء وحنان لترفع رأسها بهدوء لمعرفة هوية الماثله أمامها لحنان لمستها نظرت لها بحزن وألم شديد وهي تبعد يدها أميره بإن**ار :- أخيراً شرفت ست الحسن والجمال ندى بصدمه لدموعها قالت بلهفه :- أميره مالك فيكي إيه انتي بتعيطي ليه حد عملك حاجه حد كلمك أميره بعصبيه :- اه حد عملي حاجه حد **رني ووجعني حد **ر فرحة اعز الناس على قلبي وهانه وهان كرامته عارفه الحد ده مين ؟؟ انتي يا ندى ندى بدموع :- أنا يا اميره عملت كل ده أمته أميره ببكاء :- اه يا ندى انتي ايه نسيتي قولتي إيه لزياد اخويا زياد الي بيحبك من غير ما يستنى منك حتى انك تبادليه كان راضي أنه يفضل مستنيكي على أمل انك في يوم هتوافقي على طلبه للجواز لكن لا انت غرورك معاكي لدرجة أنك نسيتي أنه بشر وعنده قلب بتعامليه على أنه اخوكي وبتقوليها في وشه وانتي عارفه أنه بيحبك وانك بتجرحيه بيها ولسه النهارده كمان بتكملي عليه ليه كل ده ليه ندى ببكاء شديد :- انتي عارفه ليه عارفه اني مستحيل اوافق عليه أو على غيره لا أنا مش هتجوز زياد مش هظلمه معايا انا متأكده من حبه ليا وأنه هيصوني ويراعي ربنا فيا .. لتقول بألم وانهيار .. بس مقدرش احرمه من حقه أنه يكون اب ويسمع كلمه بابا هدفنه معايا في مستنقع رمل متحرك بيبلع جواه كل الفرح ويمحيه أنا معيوبه وانتي عارفه وهو عارف ده مش هظلمه معايا مش هقدر اعمل كده يا أميره أميره ببكاء صرخت :- بس فيه امل تخلفي وهو راضي وقابل ولو هيستنى العمر كله بس تكوني معاه هو مش عايز غيرك في حياته ندى بغضب شديد :- وانا مش عايزاه مش عايزه حد أنا اتحرمت من اكبر نعمه في الدنيا وحمدت ربنا وقولت اكيد ليه حكمه من كده وصابره يعوض عليا بالخير لكن غصب عني بحس بنقص بحس اني ضعيفه م**وره وانا مش عايزه اكون كده لو اتجوزت هفضل طول عمري كده ضعيفه وم**وره أميره بحزم :- نهاية الكلام يا ندى يا انا يا جوازك من اخويا ندى بصدمه :- يعني إيه أميره بحده :- يعني يا توافقي تتجوزي زياد يا تنسيني وتنسي انك عرفتي واحده اسمها اميره والقرار ليكي انتي ؟؟. بعد إذنك ********************************** #قهرني_بلا_ذنب #بقلم_رضوى_أشرف

Free reading for new users

Scan code to download app

App Store Google Play

Facebookexpand_more