Tila ba nawala ang antok na nararamdaman ko dahil sa aking narinig. Magkaibigan sila ni Benjamin? Ibig sabihin ay malapit talaga sila sa isa't-isa kung gano'n. Sana ay malaman ko na ngayon kung ano ang tulong na hihingiin ng lalaki na ito kay Benjamin. Gusto ko na rin na malaman kahit ang pangalan ng hayop na 'yon.
"Ano ang ginagawa mo rito? Paano ka nakapasok?" nagtataka naman na tanong ni Benjamin sa kaniya. Base sa reaksyon ni Benjamin, para bang ayaw niyang makita ang lalaki na 'yon. Pati na rin noong nag-usap silang dalawa sa phone noong nakaraang araw. Hindi ko pa rin alam hanggang ngayon kung ano ba ang nagawang kasalanan ni Benjamin sa kaniya. Ngunit kung si Benjamin ang nagkasala sa lalaki na 'yon, bakit mukhang si Benjamin pa ang may galit sa lalaki? Hindi ko maintindihan ang k
