Hindi na nakapagsalita pa ang ina ni Paige matapos marinig ang sinabi ng kaniyang anak. Kaya naman ay mabilis siyang iniwan doon ni Paige at naglakad na palayo. Marami ring mga dalang gamit ang kaniyang ina, ngunit dahil sa kaniyang sinapit kanina ay hindi na maayos ang kaniyang sarili. Nagkatinginan naman kami ng mga kaibigan ko, nagkakapaan kami kung ano ba ang dapat na gawin. Ngunit hindi na nagsalita pa si Nixon at mabilis niyang nilapitan ang ina ni Paige. Sumunod naman kami sa kaniya saka namin tinulungan ang ina ni Paige sa kaniyang mga dalang gamit. Mukhang mga pagkain pa ang iba roon. Agad niyang pinunasan ang kaniyang mga mata nang lumapit kami sa kaniya.
"P-Pasensya na kayo at nakita niyo pang umiiyak ako at ganito ang itsura ko. Mga katrabaho ba kayo ni Paige? Narinig ko kani
