Agad na nabitawan ni Paige ang baso na hawak niya, kaya naman nabasag ito sa sahig. Napunta ang atensyon namin sa kaniya dahil nagulat din kami, matapos marinig ang naibalita. Grabe naman ang matandang babae na ‘yon at nagawa pa niyang ipahalik ang kaniyang paa sa isa pang may katandaan na babae. Tapos nagawa pa niyang pagpapaluin ito at saktan gamit ang kaniyang bag. Patago lang sila na vini-video-han. Nakita ko ang reaksyon ni Paige at nakatitig lang siya sa TV habang nanlalaki ang kaniyang mga mata. Tila ba hindi siya makapaniwala sa kaniyang nakita. ‘Di ko naman maintindihan kung bakit gano’n ang kaniyang reaksyon.
“Zuri, ayos ka lang ba? Bakit mo naman nabitawan ang baso na hawak mo?” tanong ni Zephyr sa kaniya. Ngunit hindi man lang siya tiningnan ni Paige. Natuliro na siya at para
