"Kamusta na ang pakiramdam mo? Sariwa pa ang sugat na nasa ulo mo, kaya huwag ka na raw munang pumasok ngayon sa trabaho. Pati na rin si Paige dahil marami pa siyang pasa sa kaniyang katawan. Bilin iyon sa amin ni Detective Walker," sambit ni Nixon nang magising ako ng maaga. Naghahanda na rin sila ni Zephyr ngayon ng aming pagkain.
"Kahit naman sabihin mo sa akin 'yan ay hindi ako susunod. Pupunta pa rin ako sa trabaho. Ayos na rin naman ang sitwasyon ko. Hindi ko iniinda ang sugat na natamo ko mula kahapon," sagot ko naman. Umupo ako sa lamesa at sumubo ng isang tinapay. Nakatulog pa rin naman ako ng ayos kagabi kahit na ganoon ang nangyari. Naranasan ko na noon pa na muntik na akong mamatay, ngayon pa ba ako mabibigla kahit na ganoon ang naranasan ko kahapon? Para sa akin ay mas malal
