Pasimple ako na napahawak sa bulsa ko upang hindi masiyadong marinig ang pag-vibrate ng phone ko. Matalinong tao si Benjamin. Maaaring magtaka siya kapag nalaman niya na parehas na may tumatawag sa amin ngayon at sabay pa talaga. Malabo rin na coincidence 'yon. Kaya baka pag-isipan pa niya ako tingnan ang phone ko kung sino ang tumatawag sa akin. Patuloy pa rin ang pagtunog ng kaniyang phone dahil hindi pa rin niya 'yon sinasagot. Palapit na sana siya sa akin nang magsalita si Detective Walker.
"Hindi mo pa ba sasagutin ang nasa cell phone mo? Baka importanteng tawag 'yan," sambit niya. Nawala ang atensyon sa akin ni Benjamin, saka niya sinagot ang tawag sa kaniya. Lumabas na rin muna siya sa meeting room. Tiningnan ko naman sa phone ko kung sino ang tumawag sa kaniya. Nagtaka naman ako
