Tiningnan ko naman ang isla na 'yon. "Sigurado ka ba na hindi mo ako niloloko ngayon?" paninigurado ko pa. Mahirap magtiwala sa kaniya, lalo na at anak pa siya ng taong iniimbestigahan namin ngayon. Nakakapagtaka naman kung sinusuplong niya ang kaniyang sariling ina, sa anong dahilan? Malaki ang posibilidad na baka nililito niya lang ako upang malayo kami sa aming imbestigasyon.
"Narinig ko na sumakay sa roro ang babae na nag-video sa pangyayari kahapon. May kausap si Mama kanina sa kaiyang telepono at tinatanong kung nakarating na ba roon ang babae. Hindi ko alam noong una kung saan ba nagpunta ang babae. Nang bitawan ni Mama ang kaniyang phone kanina ay tiningnan ko kung sino ang kausap niya. Masiyado kasi akong kuryoso sa mga bagay-bagay kaya gano'n. Nakita ko na ang caretaker ng rest
