KABANATA 30
"PLEASE, fall in line po. Paki-organize ang linya, I don't have much energy na para magsalita nang magsalita, puyat ako, please cooperate! Now!" OA na paglilitanya ni Celeste sa mga nagkukulitan at hindi halos mapigilang magdaldalan na mga bata at kaedad niya.
Ang unang grupo sa Program A ang kinakausap niya, umaga na ngayon at pare-pareho na silang nasa hallway gaya ng nakakagawian. Naghahanda na para sa routine.
At totoong wala siyang naging tulog magdamag. Kakaisip!
"Abot hanggang kumbento 'yung boses mo," paglitaw ng boses ni Leon kaya naman napalingon kaagad si Celeste sa direksyon kung saan ito galing. "Sino ba kasing nagsabi na umuwi ka ng madaling araw at mapuyat?"
Pinaningkitan lang ito ng mga mata ni Celeste at nagmake face para inisin ang binata.
"Hindi ko sin
