KABANATA 6
MALALIM NA bumuntonghininga si Celeste nang makita ang nagiisang uniporme niya na pang-biyernes. Iba-iba naman ng kulay at pare-pareho lang ng size na saktong-sakto sa hubog ng katawan niya maliban doon sa pang-friday nga na medyo may kaluwagan.
"Akin na nga, marunong ako magtahi. Ikaw ba hindi?" Natatawang saad ni Cherry.
Eksaktong 5:30 ng umaga na at pareho silang naghahanda na para sa bagong araw na 'to nang mapansin ni Celeste na napakalaki para sa kaniya ng unipormeng susuotin. Hindi siya sanay! Palaging fit at maganda ang mga sinusuot niya.
"Hindi. Lumaki ako sa pamilyang may tatlong kasambahay na gagawa ng bagay na 'yan para sa 'kin." Pabagsak na nahiga si Celeste sa kama at tumitig sa kisame. Dalawang araw pa lang ang lumilipas pero namimiss niya na kaagad ang pagigi
