KABANATA 19
MAINGAY NA umalingawngaw ang alarm clock sa phone ni Celeste pagsapit ng alas singko y media ng umaga. Oras 'yon ng nakagawian niyang gising sa bahay ampunan para bumangon, maligo at mag-ayos kung ayaw na mahuli sa pila ng hallway papuntang dining hall para sa pangkalahatang almusal.
Ilang segundo pa ang tinagal bago tuluyang nagising at bahagyang ikinilos ni Israel ang kaniyang katawan. Umiikot pa ang paningin nang imulat ang mga mata at halos walang maaninag na ilaw sa madilim na paligid sa labas ng bintana at nakapatay na mga ilaw sa loob ng bahay. Tinangka niyang hanapin ang maingay na alarm clock at nang maramdamang may gumalaw sa kaniyang ilalim ay nangunot ang kaniyang noo.
"f**k!" Napabalikwas na bumangon si Israel nang maaninag ang mukha ng natutulog pa na si Celest
