"Hoy!"
Wala na bang ibang alam sabihin ang mga guard na ito kundi 'hoy'? Hindi malaman ni Chad kung ano ang gagawin subalit pumorma siya upang depensahan ang sarili sa mga guwardiyang hawak ang kanilang mga batuta na handang ihampas sa kaniya anumang oras.
"Anong gagawin natin, Chad?" tanong ni Andrea.
"Manood ka lang," pabulong na sambit niya. May pag-aalalang nangibabaw sa mga mata ni Andrea nang makita niya ang mukha ni Chad nang dumating ang tatlong lalaking kanina'y humahabols sa kaniya. Alam kasi niyang kahit mas malaki ang katawan ng binata kumpara sa tatlong guwardiyang iyon ay hindi niya kakayanin sa oras na pagutulong-tulongan siya ng mga ito.
Pero kailangan niyang magtiwala. Kailangan niyang maniwala na kaka
