HALOS umabot sa pandinig ni Chad ang kabog ng kaniyang dibdib nang magkalapit ang mukha nila ni Andrea. Noon niya lamang ito nasilayan nang malapitan nang matagal. Saka lang niya napansin na kulay kape ang mga mata nito sa tuwing nasisikatan ng araw. Nakabibighaning pagmasdan ang kabuuan ng kaniyang mukha. Bagama't napakaliit ay sadyang hindi mapagkakailang napakaganda ng hitsura nito. Pero bago pa man malunod sa nakakaakit na kagandahan ng dalaga ay kaagad niyang binawi ang sarili at mabilis na umiwas ng tingin sa dalaga.
"S-Sorry." Iyon lamang ang nasabi niya at ibinaling muli ang mga mata sa mesa na kunwari'y nag-aayos ng mga papel. Naging balisa siya at hindi alam kung ano ang gagawin sa mga oras na iyon. Hindi niya kasi maintindihan ang sarili.
Sa kaniya naman likuran ay tulalang na
