PURO pang-aasar ang inabot ko kay Kuya Jerrick nang sunduin niya ‘ko sa University of Alcazar. Paano’y nang kumustahin niya ‘ko, nagkamali ako sa pagsasabi ng totoo.
Nabanggit ko kasi sa kanyang naiilang pa ‘ko sa mga tao. Hindi pa ako ganuon kakumportableng makihalubilo katulad ng iba. Tuloy ay bukod kay Gabriel at sa dormmates ko, wala pa akong ibang nagiging kaibigan.
Akala ko makikisimpatya siya, ayon pala’y tutuksuhin lang niya ‘ko.
Kaya nga buti na lang at naka-motor siya nang sunduin ako. Mas mabilis kasi kaming nakauwi kahit na traffic dahil nag-uuwian ang lahat para sa weekend.
Pagdating sa bahay, didiretso na sana ako sa loob nang magsalita pa si Kuya Jerrick. Nakasibangot ako noong una dahil akala ko’y kalokohan na naman ang kanyang sasabihin.
“Kalmahan mo lang kasi.”
“A
