WHAT is folk dance?
Ito agad ang bungad na tanong sa amin ni Sir Guapo. Oo’t talagang Guapo ang apelyido ng professor namin sa PE class. Nagdala pa siya ng birth certificate bilang ebidensya.
Natawa tuloy kaming lahat dahil hindi naman sa nanlalait pero hindi masyadong tugma ang apelyido niya sa kanyang mukha.
Masaya naman sana sa klase ni Sir Guapo dahil palabiro siya. Pero nawala agad ang saya sa labi ko nang malaman kong sayaw pala ang gagawin namin sa kanyang klase.
Napalunok ako at ngayon ay laglag ang panga habang nakikinig kay Sir Guapo.
“Miss dyan sa likod, ganuon ba ako kagwapo at parang gulat na gulat ka habang nakikinig sa discussion ko?” tanong niya na nagpatawa sa lahat ng mga kaklase ko. Nahihiya akong ngumisi at napakamot na lang sa ulo ko. “Kagaya nga ng sinabi ko,
