NAUPO ako pagkatapos sagutin ang tanong ni Ms. Fuentes. Ramdam ko pa rin ang panlalamig ng mga kamay ko. Tumango-tango naman siya at nagpatuloy sa discussion. Palagay ko ay hindi naman ako nagkamali kahit sobrang kabado.
Kumpara noong unang beses na pumasok ako sa kanyang klase, masasabi ko namang malaki ang naging improvement ko.
Maaga akong nakapasok dahil talagang inagahan ko ang gising. Every fifteen minutes naka-set ang alarm ko para siguradong makabangon ako sa tamang oras. At dahil ako ang may pinakamaagang pasok ng Thursday at takot din akong makaabala sa mga kasama ko, naunahan ko pa ang alarm ngayong umaga.
Kaya naman pagdating ko sa lecture room, nagkaroon pa ako ng oras makapagbasa-basa tungkol sa political science. Dahil dito’y nakapag-recite ako nang maayos sa klase at b
