Ngayon naintindihan ko na kung bakit maraming tao ang kumakain sa karinderya ni Tita Lucing. Paano’y bukod sa mabait na ang may-ari, payapa pa ang lugar at sobrang sarap ng pagkain nila rito. They offer traditional Filipino food tulad na lang ng kare-kare at pansit na paborito ko.
Kaya nga kahit sinabi ko sa sariling ‘di kakain nang marami, nagulat ako dahil napa-order pa ‘ko ng extra rice.
Nabusog talaga ako sa tanghalian namin ni Marco. Hindi ko alam kung sadyang ‘di lang ako pang sosyal na lugar pero kumpara noong unang beses na kain namin sa labas, mas masaya at panatag ako ngayon.
“Salamat kasi naisip mo ‘kong dalhin dito,” sabi ko kay Marco pagkatapos uminom ng tubig. Mukhang pareho na kaming patapos kumain kaya naman naisip kong baka pwede ko nang isingit ang isa sa mga tanong
