NAGKAPASA ako sa tuhod dahil sa pagkadapa ko kagabi nang habulin ko si Gabriel. Dahil nakasuot ako ng pantalon, napansin ko lang ang pamumula nito noong naligo na ako. Kaya pala masakit din ito bukod sa bukung-bukong ko.
Pero hindi ko na ito binanggit pa sa tatlo kahit noong tanungin ako nina Gabriel at Marco. I think it’s not something they should be concerned about anyway.
Paggising ko nga lang ay tsaka ako dinalaw ng matinding kirot galing dito. Umayos na nga kahit papaano ang bukung-bukong ko, binawian naman ako ng tuhod ko. Napabuntong-hininga na lang ako nang makitang bukod sa pamumula kagabi ay bluish na rin ang kulay nito ngayon.
Kung nandito si Elisse, siguradong siya ang unang-unang titingin at gagamot dito. Bigla ko tuloy silang na-miss ni Maeve. Parang ang haba ng weeken
