GUSTO ko naman talagang pumila si Marco. Pero hindi ko inakalang pipila siya kaagad pagkatapos ng nangyari noong Linggo. Maybe I was expecting him to ghost me again – or probably do something even worse that might disappoint me.
Pero iba ang ginawa niya.
“Nagpa-deliver ka ng breakfast?” tanong sa akin ni Cara pagbalik ko sa upuan. Dala-dala ko kasi ‘yong inorder ni Marco na pagkain para sa akin. Medyo lutang pa rin ako kaya ‘di ko nasagot ang kaibigan ko. Hinayaan ko ring kuhanin niya ang hawak ko nang maupo ako.
Hindi kasi ako makapaniwala. Lunes na Lunes, bakit naman ako biglang padadalhan ng pagkain ni Marco? Tsaka sa ginawa niya, muntik na siyang maiugnay sa akin ng mga kaklase ko. Mabuti na lang at hindi nabanggit nung rider sa lahat kung sino ang nagpa-deliver ng pagkain para sa
