SERYOSO ba si Marco?
Gusto niyang hanggang online lang kami pero dinala niya ‘ko ngayon sa isang sikat na eat-all-you-can restaurant.
At ako naman itong nag-malfunction na yata ang utak dahil talagang sumama ako! Isang aya lang ni Marco ay agad naman akong pumayag! Para bang bigla ko na lang nakalimutan ang lahat ng nangyari sa pagitan namin. Mistulang naglaho ang lahat ng tampo at inis sa katawan ko.
Nabudol yata ako.
Dahil “lunch on me” ang nakalagay sa birthday coupon na ibinigay ko kay Marco noon, ibig sabihin ay ako ang dapat na gumastos. Sumunod lang naman ako sa kanya pero hindi ko inakalang sa dami ng kainan na pwedeng puntahan dito sa mall ay sa mamahalin pa niya talaga ako dadalhin.
Napalunok ako nang makitang lagpas five hundred pesos ang halaga ng bawat ulo rito. Kung dal
